Talash-e-Manzil

Chand shoreeda sar lehrain
Toofan ko pukarti rahin
Pur sukoon sahil par
Lehrain sar patakti rahin
Be awaz sadain
Kisi jungle main goonjti rahin
Behr-e-zulmat ki wusa’aton ko
Gehrai bakhshti rahin
In gehraion main kho kar
Main raasta talash karti rahi
Rahnuma ki khuwahish le kar
Manzil se door hoti rahi
Raaste ka har nishan
Bemaqsad safar ka safeer nikla
Har mor pe anjani manzilon ki janib
Barhta hua qafla mila
Manzil se na ashna
Maqsad ki talash main
Be awaz sada ki goonj
Mayoosi ko pukarti
Khuwab bakherti, umeed torti
Aik hi maqam ka pata
Har qafle ko deti rahi
Aur main…..!
Is lahasil talash ki mohim main
Nateeje se agah hote huay bhi
Shamil rahi
Un lehron ki talash main
Jo manzil ko door karti rahin
Ke shayad wahin se koi raah
Manzil tak seedhi jati ho….!

(7th February 2000)

Advertisements

One thought on “Talash-e-Manzil

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s